Pompièrs de Les

Pompièrs de Les

martes, 27 de marzo de 2012

Adequacion d´un parçan enta crema..

Agér, pendent tot eth dia, mos desplacerem entara solana de Vielha, juntament damb personau des parcs de Bossost e Vielha, deth GRAF de Lleida e Tarragona e deth SAVA(Conselh Generau d´Aran).
Se tractaue de meter a punt ua part de 35 hectarees enta hér ua crema controlada pendent aguesta setmana.
Es trebalhs de tot eth dia, consistiren en crear ua linia de defensa e discontinuitat en terren, ja qu´era vegetacion, en aguest cas gestar, ei molt continua ena zona, e enta poder hér era crema controlada, s´a de hér en parts que poguen ester survelhades damb eficacia. Enta poder portac a terme, calec trebalalhar en prumer lóc damb desbrozadores, motoserres e ath finau damb esturments manuaus, en tot arribar en terra minerau.



Tot e qu´es trebalhas pendent tot eth sigueren força cansadi, tostemp son d´agrair conselhs e d´autes explicacions que mos deren es companhs de GRAF des dues regions, atau com continhuar es relacions. Tostmep ei bon participar, ja que s´en tren moltes conclusions ath finau d´aguestes jornades practiques.

jueves, 22 de marzo de 2012

Mascares de rescat

Son operatives es mascares de rescat, dues, que s´han metut en Brp 0.80.32. Atau madeish comentar que es quate equips autonoms, dispausen de segona gessuda de aire, ben enta conectar es mascares de rescat, o en cas de necesitat era de un companh que en age de besonh.
Ara seguida vos deishi es fotos dera sua sitoacion e deth lóc aon conectar-les.





martes, 20 de marzo de 2012

Iauta de videos, de Bombers Consorci Valencia


Damb eth personau just, se poden hér certes causes que jamés auem probat, mes que non ei bric complicat, ja que sonque cau, era manguera d´atac e as auti pompièrs que intervien en servei, en aguest cas damb quate.

lunes, 12 de marzo de 2012

Eth huec dera Ribagorza Aragonesa....

Agèr peth sér, se solicitec personau enta colaborar aué a prúmera ora deth maitin, damb esturments manuaus, en huec que s´iniciec en Castanesa hé ja uns dies.
A ores d´ara, eth huec creme ja en terme municipau de Vilaller, en zona catalana, e aué se hi desplaçaran mieis aeris, tot e que agèr ja i trebalheren.S´emplaçara atau madeish personau en es cotes nautes damb es mieis aeris, degut ath dificil accés ath lóc.
Personau deth parc de Les, juntament damb personau deth parc de Vielha, colaboraran aué damb eth GRAF e personau de d´auti parcs dera Regió d´Emergències de Lleida en escandiment deth huec, en flanc més actiu de toti.



viernes, 9 de marzo de 2012

"Huecs" en Pirineu de Lleida

Pendent tot eth dia d´agèr, aneren apareishen diuèrsi huecs per tot eth territori deth Pirineu de Lleida, e tanben a darrera ora d´Aragon, en Castanesa.

A prúmera ora, s´iniciaue un huec ena termiera de Gerri de la Sal, damb poble desalotjadi, bera estructura afectada e damb ues 500 hectarees cremades.
Poc dempús, cap ara ua deth metdia, en gessien tres huecs mes, un en Viu de Llevata, iaute en Calvinyá, ena Seu d´Urgell e iaute ath costat d´Organyá, concretaments en Montanisell.

Des quate huecs, un ei en aguesti moments control.lat, e es auti encara non.

Per lo que respecte as Pompièrs de Les, e dera Val d´Aran, quan se recebéc er avís deth huec de Viu de Llevata, se hi desplaceren dus BRP, un de Vielha e iaute de Les, enta ajudar as que ja hi trebalhauen en zona.
Ena arribada, cremaue un hons de barranc, en baisha intensitat degut ara bona humitat, era temperatura encara baisha en lóc e poga disponibilitat deth combustible,

mes a mesura que han passat es ores, eth huec a pujat enquia era carretera N-260, aon en un principi eren emplaçadi es vehicles, e la ha sautat d´un costat a iaute, trobant nautes temperatures, gran disponibilitat deth combustible pera falta de pluja, e acabant conduit peth vent, a cremat en nauta intesitat, creant molti problemes e hent a botjar continuaments es vehicles des lócs, per perill.
Aguest maitin, cap as set ores, s´ha realitzat eth relleu deth personau qu´actuaue ena zona, e posiblements se demore que pendent eth dia d´aué era situacion de vent milhore, e permitisque actuar as mieis aeris.
Per lo que respecte ath huec de Castanesa, ei dehóra de control e hi ha agut tanben evacuacions de pòbles. Pendent eth sér, se hi ha desplaçat ena zona tanben era UME. Aguest huec, progresse actiuaments cap a zona de Catalunya.

lunes, 5 de marzo de 2012

Huec forestau en Bausen

Pendent eth diuendres dia 2 de Març, s´auèc d´intervier per un huec forestau descontrol.lat en terme de Bausen.
En maitin s´inicieren ua serie de cremes damb permís, tot e que cap as 12 ores deth metdia, se mos activec entá survelhar d´autes cremes, sense autoritzacion e dehóra des lócs aon s´auie demanat es permisi. En aquet moment, eth huec ere descontrolat, damb nautes temperatures ena zona, e tot que hé pogui dies que ha marchat era nhéu, eth huec progresaue damb rapidessa.

S´actoec damb un totau de 5 dotacions terrestres, 3 de Les, ua de Bossost e iauta de Vielha, ademés d´un mejan aéri provenguent de iaute huec ena zona de Erillcastell. Aguest efectuec ua serie de descargues cap a darrera ora dera tarde, que ajuderen a poder dar eth huec por controlat, quedan sonque punts caudi ath laguens deth perimetre, en zones dejá cremades.


Pendent eth ser, se mantenguéc un reten de survelhança, tot e que non siguéc necesari, ja que cap a prúmeres ores deth maitin, comencéc a queir ua forta pluja ena Val d´Aran, causa que héc dar eth huec per totauments escandit.







Segontes es càlculs de agents de Miei Ambient deth Conselh Genereau d´Aran, cremeren un totau de 7 hectarees.