Pompièrs de Les

Pompièrs de Les

miércoles, 25 de julio de 2012

Mos desplaçam entar Alt Empordá.

24 ores dempús de que s´iniciessen dus huecs forestaus, un en La Jonquera e iaute en Portbou, pompiérs e veicles des Pompièrs dera Val d´Aran sigueren activadi pera Sala Central de Bombers entar dar suport as que en aqueri moments ja i trebalhauen.


Cap as tres ores dera tarde, auem gessut dera val, per França direccion ath Parc de Bombers de Figueres, aon ei plaçat eth CCA(centre de comandament auançat).
Ath torn des ueit ores dera vesprada ja erem aquiu, aon se mos a dat era orde d´anar enta Avinyonet de Puigventos, e metemos ara disposicion deth Punt de Tránsit Sud, enta que eri mos emplaçen aquiu aon siguesse de besonh. Dempús de demorar, cap ath torn  des dues dera net, un convoi de 8 BRP mos dirigim enta era pressa de Boadella e Terrades, en sector mes actiu deth huec en aqueri moments.
Un viatge eth cap operatiu mos emplace, eth nóste personal dec suport as linies que sajauen d´amortar ua reactivacion deth huec. I trebalham en es dus flancs, conjuntament damb companhs de Roses, de Vic e d´auti parcs, a mes dera UME.
Se conseguis perimetrar damb aigua es dus flancs ath torn des nau ores deth  maitin.


De nau mos envien enta eth PT Sud, aon se mos diguec que auien de emplaçar eth PT mes aprop deth huec, e auiem d´anar ath nau emplaçament, en aguest cas, en Terrades.

Aquiu auem passat part dera tarde, molt ben atessi pes vesins deth poble, ar igual que en Avinyonet, que mos han arribat a oferir es viuendes sues enta poder descansar, en tot demorar bera revifada deth huec. Eth ser ha estat damb temperatures mes baishes, humitat mes nauta e eth vent a parat, causa que ha het que en lheuase eth dia, non se veiguen columnes importants com eth dia anterior.
Tot e aquero, ath torn des sies dera tarde, mos envian ath cant de Figueres, enta amortar punts caudi, ath costat dera via der AVE.
Ena arribada, personau de manteniment dera via, ja i son damb extintors, mes acabam repasant eth perimetre e diuerses soques damb aigua.
Dempús, ja  mos arribe era ora deth relheu, nosati tornam entara val, es companhs que han arribat continuaran hent eth madeish trebalh damb era intencion de que quan abantes, se pogue dider que eth huec ei escandit.

Totau, 14000 hectarees cremades



Voi dider, que dempús de imaginar era sitoacion de tota era gent des pobles afectadi, aon en i a que han perdut bestiar, granjes, bera casa o coches, sense pensar en aqueri que i han deishat era sua vida, ei de admirar que siguen pendents e animant a toti aqueri que han luitat per que tot pase quan abantes, siguen pompièrs, forestaus, militars, policies, sanitaris, eca.., funcionaris o volentaris.

Per aquero pensi que mos cau dar es gracies a toti aqueri que han estat pendents de nosati, e dider que ha estat un plasser colaborar e coincidir damb toti aqueri compnhas damb es que auem trebalhat.
Demori que en poc temps era zona afectada comence a recuperase.





viernes, 20 de julio de 2012

Huecs forestaus

Eth seguent video, mos hèr a veir era sitoacion extrema en que Catalonha ei en aguesti moments en lo que respecte as huecs forestaus.
Era manca de gestion forestau, era grana extension de bosqui desordenadi e era acomolacion en fauta de plujes, mos estan hent arribar ara sitoacion limit des serveis d´extincion, tot e que podem dider que hem, en Bombers de la Generalitat, un referent en lo que a extincion respecte en gran part d´Europa.
Eth niveu deth personau, tant pompièrs coma GRAF que s´ha artenhut en es darreri ans permeten poder hèr referencia ath cos deth que parlam.






Huec forestau Prats de Rei. 29-6-12.
Bombers de la Generalitat.

jueves, 5 de julio de 2012

Mes vespes...

Aué, un nau servei enta treir vespes d'un lòsat. En aguest cas, en póble de Garós, aon se i han desplaçat dues dotacions, ua de Les e iauta de Vielha.


miércoles, 4 de julio de 2012

Huec en un veicul

Aué, a prumera ora deth maitin, ua dotacion deth Parc de Les, s'ha desplaçat entara N-230, ara auçada de Pontaut, aon cremaue ath complet un veicul sense cap persona afectada.
En un prumér moment, s'ha baishat temperatura damb ua linia de 25, enta poder dempús acabar d' escandir eth huec damb espuma(Propak).


Eth veicul a resultat totaument cremat.