Pompièrs de Les

Pompièrs de Les

lunes, 27 de agosto de 2012

Aguest mos a tocat en Les. Huec urban.

Aguest maitin, tath torn des 8:27 ores s´han rebut nombrosses trucades alertant d´un huec important en poble de Les.
Ueit dotacions des tres parcs dera Val d´Aran, i han trebalhat pendent tot eth maitin en escandiment e survelhança, autant des dues bordes afectades, com ena propagacion enta d´auti edificis proxims.
Eth resultat han estat dues bordes totauments cremades, e posterior enfonsament de uns 400 metres quarrats e tanben afectat un edifici de tres auçades, directament peth huec o ben per radiacion.
En un prumer moment s´ha trebalhat des der interior des estructures, tot e que rapidament s´han enfonsat. S´ha garantit era aportacion d´aigua des der arriu Garona situant eth BNP e alimentant as auti vehicles, atau coma era lança dera autoescala. S´han desalotjat es viuendes proximes e s´ha tallat er accés peatonau a un carrer per risc de queiguda d´ua paret exterior força afectada, tant peth huec com per aigua lançada.
Cap ath torn des 12 ores deth maitin, eth huec se da per controlat, tot e que s´han deishat intalacions fixes refrigerant es estructures afectades.

Era part mes important d´aguestes intervencions, ei que non i a agut herits, e que mes ath dela de lo que cremaue iniciaument, eth huec non a pasat a d´autes estructures.

Rebrembar, que en pogui dies ja portam dus serveis de huec importants, damb molta afectacion estructural. Dilhéu non cau treir conclusions, mes es losats de husta, son habituadi a auér humitat der exterior, e a non patir aguestes temperatures tant nautes, causa que her quera losa sigue molt cauda, damb era afectacion directa dera husta, non volen dider que sigue un inici de huec, senon un miei que afavoris era sua propagacion tan rapida.
Es dus serveis recents, mostren que tot e non auér es tumenjes de hont d´ignicion, non son necesaries, e que cremen es huecs damb posiblement mes intensitat que en plen iuèrn.





viernes, 24 de agosto de 2012

Huec urbam de nauta intensitat en Arrós.

Ath torn des 3 ores dera maitiada, mos auem desplaçat enquia eth poble d´Arrós, ta participar en escandiment d´un huec urban qu´afectaue a dues viuendes unifamiliars.
Eth huec a cremac damb molta intensitat tot eth losat des dues viuendes, de dues plantes mes humarau.
Cau auèr en compde que eth tipe de construccion dera Val d´Aran, afavoris aguest tipe de huecs, ja que toti es losats son de husta, injectats de poliestiren expandit, o porex-pan, causa que afavoris mes encara ara evolucion deth huec e que siguen es hums mes tóxics, ja que son derivats deth plàstic.
I hem pro acostumadi, mes mos obligue a trebalhar des der interior des viuendes, damb eth risc que comporte enta tot eth personau actuant, peth risc de queiguda de materiaus o enfonsament de forjats de husta perth pes der aigua. Atau madeish, era losa e era sua funcion qu´ei era de non deishar pasar er aigua ath laguens des viuendes, causa que non permet es trebalhs des der exterior
S´han agut problemes d´abastiment d´aigua, degut ath poc suministrament des hidrants dera poblacion, tot e auèr desplaçat enquia eth sinistre 3 BRP e 1 BNP a part de d´auti vehicles de personau. Hi han participat es tres parcs dera Val d´Aran.


Vos deishi ua imatge deth sinistre aon se pot veir que eth huec ere ja en un estat força auançat ena arribada des prumèrs pompièrs.




viernes, 17 de agosto de 2012

Video publicat per Bombers d´Andorra. Huec forestau.

Sistemes diferents de trebalh en escandiment de huecs. que dilhéu cau avalorar.
Era vertat, ei que auem eth madeish tipe de huecs, en Andorra que ena Val d´Aran ja que auem eth madeish combustible en bosc, es madeishes ores de insolacion, es madieshes humitats, e moltes d´autes causes que mos servisen enta aprener es uns des autes.
Eth video, mos mostre ua actuacion molt recenta, de un huec que creme "subsol", que a de besonh esturments manuaus enta eth son escandiment, e aon se i poden sumar moltes d´autes causes, coma pot ester eth trebalh damb aigua.
Eth desconeishut BRA, que abantes Bombers de la Generalitat en dispausaue, dilhéu ei un bon moment enta metele iaute viatge en esturments de pruméra gessuda. Ei compausat de ua bassa, duberta, que permet auer enmagatzemadi X litres, damb ua gessuda ena sua part mes baisha, damb calau de bola, aon se i pot conectar ua motobomba, de presion enta eth trebalh damb morralets de mangueres.
Era bassa normauments ei alimentada per miei de un helicopter, damb "bambi" bossa d´aigua, que realitze descargues metent era bossa ath laguens dera bassa. Cada viatge permet dispaussar de forma inmediata de 500-800 litres d´aigua, e se non se a consumit era anterior, se pot acumular ena bassa.


Mototbomba WICK 250, de Vallfirest.                                                      Sistemes de diposit.



Deth tema de baishar en grua der helicopter ath personau que i a d´intervier, ja en parlaram molt mes enta deuant, ja que ei un aspecte a valorar, mes que non ei ena agenda de preferencies.




lunes, 13 de agosto de 2012

Fotografia der equip que se desplaceq ath huec de La Jonquera.

Dempús d´aguesta fotografia, d´auti companys que non i gessen vengueren en relheu nóste, atau que eri tanben i sigueren presents.

domingo, 12 de agosto de 2012

Huec de lamp(Arties) - Huec Centrau de Camun(Bossost)

HUEC DE LAMP - Arties. 11.8.12
Agèr, a partir deth metdia, se trebalhéc en un huec de lamp, en un parçan de dificil accés plaçat a uns 2000 metres d´auçada.
Se reberen moltes trucades telefoniques alertant deth servei, ja que ere molt visible tot e ester de petites dimensions.
Ena actuacion i participeren dues dotacions terrestres, ua deth Parc de Vielha e iauta deth Parc de Les, a mes d´ua aerea, 50.02 que realitzec descargues d´aigua en parçan afectat.
Cremeren finauments uns 2500 m2 de pastura de nauta montanha e beth auet.
Se trebalhec en tot eth perimetre damb esturments manuaus, e damb machines d´arresegar se sagec de escandir tanben es soques des arbes afectadi.




HUEC CENTRAU DE CAMUN- Bossost. 12.8.12

Aué, a prumera ora deth maitin se mos a activat enta colaborar en un huec que en prumer avís afectaue a un transformador exterior dera centrau.
En arribar, eth huec ere complatament amortat, e s´ha demorat a que es tecnics de FECSA-ENDESA confirmesen eth talh totau de corrent en parc exterior.
En accedir en transformador afectat, en aguest cas un transformador de 6000v-25000v, s´ha comprobat que eth motiu deth huec a estat un gat que ha eth de pont damb dues fases. Eth transformador a quedat pro afectat, aon han cremat toti es aisladors ceramics e s´ha perdut oli. Er animau a quedat totaument carbonitzat.



martes, 7 de agosto de 2012

Video deth huec forestau d´Ossera

Vos deishi un video resgistrat per EEI de Bombers de la Generalitat, referent ath huec ja escandit d´Ossera, en Alt Urgell.
Gran trebalh damb esturments manuaus que s´ha alongat a cinc dies e que ha cremat 17 hectarees.
Cau dider, que aguesti huecs de "subsol", dilhéu son des mes dificils e costossi d´escandir, e habituaments son es que se mos dan ena Val d´Aran.

miércoles, 1 de agosto de 2012

EEI - Equip d´enregistrament d´imatges - Bombers de la Generalitat

Bombers de la Generalitat, compde desde ja hé un temps d´un equip de persones que se dediquen a prener imatges des serveis relevants. Aguest equip, ei nomenat EEI (Equip d´enregistrament d´imatges), e a dia d´aué, dempús d´auer publicat diuersi videos o fotografies des serveis, han dubert ua naua forma d´aufriment des videos corporatius, en aguest cas en Youtube, ar accés de tot eth mon.

Er accés ei eth seguent:


I a videos de diuérsi serveis, coma poden ester es darreri huecs der Alt Empordá, o d´auti.
Força interesant enta seguir era evolucion d´aciu a un temps det cos de pompièrs.