Pompièrs de Les

Pompièrs de Les

domingo, 27 de enero de 2013

Accident de transit ena carretera de Sant Joan de Toran.

Delàger, actoerem ena carretera d´accés ath poble de Sant Joan de Toran.
Er accident auec coma resultat un herit, de caracter lhèu, en un choc frontal en aguesta carretera.
Er estat des carreteres de nauta montanha, damb es nheuades queigudes, non ei eth milhor, mes son transitables, damb molta precaucion, ja que era cauçada ei totauments de nheu e géu, causa que afavoris aguest tipe d´accidents.
Era colision siguec de dus 4x4, un des quaus marchec deth lóc.
Deth nóste i trebalhec era ambulancia bàsica A.02.03, e eth BRP 0.80.32, atau coma era ambulancia medicalitzada deth Parc de Vielha. Er accés ath lóc deth veicle pesat non podec ester posible, ja que era carretera sonque permitís eth pas de veicles leugérs, causa a tier en compde mentre dure aguesta sitoacion de nheu e heired.

 

jueves, 24 de enero de 2013

Ara que i a nheu, formacion....

Pendent aguestes darreres semanes, auem ua sitoacion metereologica pro mercada, coma son es nheuades constants damb acomolacions de nheu molt considerables. "En Port dera Bonaigua, i a eth doble de nheu de lo qu´era mieja anuau en aguest moment ditz".
Tot e que cau qu´era gent sigue molt conscienta deth risc que comporte gésser ara montanha, nosati, non podem baishar era guardia, e eth milhor moment enta formase, en lo que respecte a hèr esqui de trauèssa (per laguens deth bosc), formacion en lauegi, sense meter-mos en risc, (auem pro nheu ath deuant deth parque) e d´autes e ara.


Rebrembar que eth Conselh Generau d´Aran, a un equip de gent que a diari presenten un parte de risc de lauegi, molt elaborat e fresc.



martes, 15 de enero de 2013

Servicis deth dia d´agèr.

Era nheuada, semble ester que mos vo dar trebalh. Pendent eth dia d´agèr auerem diuèrsi serveis, aon ara gent encara non le quede guaire clar quin ei eth moment e eth dia enta passejar pera montanha.

A prumèra ora, se mos demane d´anar a survelhar un arbe qu´ei apuat en iaute e damb perilh de queir ara N230, tot e que en arribar, non i podem actuar, ja que enta poder-le her quèir, mos cau retirar quate arbes mes.

Cap ath metdia, servei GRAE en Saboredo (Naut Aran), aon a dues persones damb raquetes de nheu, damb ua nheuada en aqueri moments pro considerabla, volen pasar eth Port de Ratera, damb eth risc que supause aguest tipe d´activitats en aguesti dies.
Enta arribar e posteriorments trasladar a d´aguestes persones, s´ha agut de besonh era utilitzacion de dues motos nheu.
Cau hèr a veir ara gent que es avisi de situacions meteorologiques excepcionaus, non son de mentira, ne se les invente d´arrés. Cau pensar que gent dempús s´ha de jogar eth fisic enta anar-les a cercar, e que non son pas es milhors dies enta héc.
En aguest servici i a trebalhat ua dotacion de nóste parc, e s´ha alongat enquias 20:30.









Ara vesprada, servei sanitari ena poblacion de Les.

Demanar prudéncia ara gent que pense en hèr activitats de montanha, que consulte es prediccions meteo, tanben es bulletins de lauègi editats peth conselh, e demorar a que molhoren es condicions, tot e que es montanhes seran molt cargades en moment que se i pogue anar.

Pagina deth Conselh Genreau d´Aran entara prediccion de lauegi, molt bona e actualitzada a diari.

http://www.lauegi.conselharan.org/





martes, 8 de enero de 2013

Estadistiques deth nóste parc. 2012






Eth nóste parc, ei un parc petit, aon era gran des actuacions son sanitaries. Realitzam ath cap der an diuèrses actuacions conjuntes damb Pompièrs de St. Beat-Marignac(França), pera proximitat damb era frontera. Gran part des actuacions per huec urban, son en periode d´iuèrn, e solen ester tumenejes que molti viatges fianlitzen afectan as losats.
Pendent eth 2012, mos auem desplaçat enquia La Jonquera, Viu de Llevata e Castanesa, ta colaborar en escandiment des huecs forestaus. Auem activitat de huec forestau habituament en periode d´iuèrn, que ei quan eth es bosqui e solanes mes disponibles son. Auem membres deth GRAE en parc que participen en conjunt der grup dera Val d´Aran. En lo que se referis a accidents de tránsit, tot e auer de cobrir era N-230, damb pas de camions bastant dens, aguest an ha estat un an bastant tranquil.



domingo, 6 de enero de 2013

Huec forestau Aneto.

Per lo que semble ester, es previsions de aqueri que entenen de huecs, se complisen. Mos demore un iuèrn força complicat, ena vessant sud deth pirineu, e agèr ja ac poderem comprobar de pruméra man.
Cap ath torn des 11 ores deth ser d´agèr, se mos solicite colaboracion as Pompièrs d´Aran, en tot demanar un BNP(bomba nodrissa pesada) e un UPC(unitat de personau e carga) damb gent enta ajudar en escandiment d´un huec forestau ena termiera de Aneto, boca sud deth tunel de Vielha.
Mos i desplaçam damb eth veicle d´aigua de Vielha e eth leuger deth nóste parc.
En tot aproximamos pera N-230, ja se ve que ei força gran, a molta nautada e damb condicions non propies dera sason.
Auem temperatures molt nautes enta d´aqueres ores, combustible força disponible e un vent que canvie de dirección constanment, causa que en beth momnet mos he a correr un sinhau.
I son en loc trebalhant pompièrs deth Pont de Suert e damb nosati arribe un BRP(Bomba rurau pesada) de Benabarre.
Se mos emplace enta trebalhar en un front que evolucione rapidament en tot baishar cap ath poble de Aneto, en quau tanben i acabe trebalhant pompièrs de Pobla de Segur. Aguest ei rapidament anclat.
Ath costat,  i a ua serie de punts caudi que léu acaben estant iaute front de huec, damb flancs delimitats, e que amenacen de daurise, causa pera cual se mos replace, ta iniciar er atac directe, en tot demorar era alimentación dera nosta linia per part de un BRP de Pont de Suert.
Trabalham enquia eth torn des 4 ores dera serada, moment en quau auem arribat ben ben ath limit des bombes des veicles per motius d´auçada, e que eth huec seguis progresant per dessús noste, damb eth perilh que comporte degut ara queiguda de peires e es canvis de vent continus. Juntament damb E-0 se decidís deishar linia montada e retirar personau dera zona.
As 5 ores dera serada, arribam en Parc de Les.

Segontes informacions deth Govern d´Aragon, s´aurien cremat dejá ues 300 ha, causa que mos da a coneisher, en quina sitoacion delicada hém.