Pompièrs de Les

Pompièrs de Les

jueves, 21 de febrero de 2013

Es nòsti vesins. Pompièrs de França.

Era vertat ei que tostemp se pot aprener qu´auquarren. Eth video que ia ara seguida, ei des companhs francesi, mes concretament de SDIS du Haut Rhin, departament 68. Ei des grups especiaus, en aguest cas eth GRIMP (Groupe reconeishance et intervention en millieux perilleux) que  ei er equivalent ath GRAE dera nòsta casa, mes damb vehicles mes especifics ara labor. S´hi poden veir exemples coma pot èster era colocacion deth torn ath dessús deth veicle o tanben es punt d´anclatge en madeish.


martes, 12 de febrero de 2013

Lauet en Tanau, Baqueira.

Agèr, ath torn des 5 e mièja ores dera maitiada, s´activec as Pompièrs d´Aran enta atier un avís pera caiguda d´un lauet, en parcatge de Tanau, Baqueira.
En un prumèr moment, era informacion qu´arrive ei de posibles persones atrapades, e coches afectadi.
Entath servici, se i destinen sies mieis terrestres, que son ua USVA, ua USVB, tres UPC e un BUP damb materiau de sauvament e iluminacion, des tres parcs dera Val d´Aran, degut ara posible afectacion de veicles e persones.
Es condicions meteoroligiques en aqueri moments son de precipitacions en forma de nhèu en tota era Val d´Aran, damb afectacion des vies de comunicacion.
Era arribada deth prumer veicle, confirme eth lauet en parcatge de Tanau, damb afectacion de vehicles tot e non saber exacte eth numero. Se localitze ua victima lhèu, ath dehóra d´un coche que a estat emportat peth lauet barranc baish, e caperat pera nheu. Tanben se advertís dera non preséncia d´ua persona, que tanben ere en parcatge drumint en son veicle.
S´inicien tot léu es labors de recerca der aute posible veicle, o persones afectades, atau coma tanben se procedís a descaperar es veicles afectadi que encara son en parcatge, damb maquinaria pesada.
Pendent aguest temps, son tanben alertadi es Gendarmes deth Peloton de Nauta Montanha de Luchon (PGHM Luchon) enta compdar damb eri ta poder realitzar era recerca damb es gossets de recerca en lauets, per se s´acabe confirmant era presència de iautes victimes. En lóc ia presència tanben des Mossos d´Escuadra tath control der accés ath lóc.
Pendent es ores, semble ester que s´acabara confirmant per d´autes persones que i dromien en lóc, qu´era posible persona recercada, non i ere dejà en parcatge.
Tot e acró, aprofitant era arribada deth PGHM Luchon damb es dus gossets, aran ua recerca rapida enta confirmar que non i quede arrès. Se localitze en ues 10 menutes un indici de posible victima, mes dempùs de procedir a descaperar, se confirme que ei un animau que a estat arrosegat.
Dempús d´auer realitzat totes es verificacions necesaries, ath torn des 9 ores deth maitin, se deishe eth lóc deth lauet damb eth resultat finau d´ua victima lhèu, e un totau de quate coches afectadi a diferents nivéus.
Eth lauet a ues mesures aproximades de 50 metres d´ample, 500 de longada talh d´un metre e zones de dipósit de nhèu de damb mes de tres metres d´espesor.









 
 
 
 Enlaç Bulletin diari Lauegi Conselh Generau d´Aran:

   

 
 

sábado, 9 de febrero de 2013

Huec de tumenèja en Les.

Agèr, ath torn des 9 oers deth sèr, se recebèc er avís d´un posible huec de tumenja en poble de Les.
Ath lóc s´hi desplaceren tres dotacions, dues deth nóste parc, 0.80.32 e 0.80.94 e era autoescala deth parc de Vielha 0.80.60.
Ena arribada non i auie lama ath laguens deth tiratge, tot e que aguest ere lord. Non i auec cap de problema ja que era tumeneja ere tota de obra enquia era gessuda. Se procedic ara sua revision, tant per baish, coma per naut e exterior damb era autoescala.