Pompièrs de Les

Pompièrs de Les

viernes, 24 de mayo de 2013

Huec de ua borda en Navias (Canejan).

Agèr, ath torn dera ua deth metdia, reberem er avís de ua borda cremant en municipi de Canejan, en Navias.
Entath lóc se i desplaceren tres dotacions en un prumèr moment, un BRP, un BNP e un UPC, tot e que dempús, sonque damb un veicul d´aigua en auerem pro.
Ena arribada, era borda, situada ath cant d´ua viuenda, cremaue sencera e eth huec ja ere molt auançat, causa pera quau non se podec sauvar guaire. S´instaleren dues linies de 25 e se montec ua alimentación mejançant era motobomba ar arriu. En proplèu ues vint menutes eth huec ere controlat, e en ua ora e mièja, eth huec ere totauments escandit. Era borda ere de dimensions petites,  de uns 5x5m., e de dues auçades. Eth losat quedec totauments afectat autant com eth terra dera dussau planta de husta.







martes, 21 de mayo de 2013

A fauta de serveis de consideracion, bona ei era formacion...

Bona no, ei era part mes importanta deth nòste trebalh, de ben segur.
Pendent eth cap de semana, s´han amiat a terme, practiques en parc de sauvament en veiculs accidentats. Es maniobres podem pensar que son basiques, mes non hem un parc aon auesquem ua grana cantitat d´accidents de transit, aon mos i cau meter en practica eth coneishement damb esturments pessadi, causa que vo dider que se non se practique, se perd.
Podem dider qu´era part sanitaria l´auem pro ath dia.
Pontaus d´estabilitzacion, serra de sabre, equip d´excarceracion, proteccions, tacos e cunhes, pauta de craba, cizalha elèctrica e molti d´auti formen part de tot er equipament enta d´aguestes operacions.
Ua part de teòria e iauta de practiques son aquero que formen es practiques aué en dia, tostemp ei bon adquirir coneishements, e mes conèisher es protocols d´actoacion.










martes, 7 de mayo de 2013

Bombers Generalitat.

Cau dider que en  nòste trebalh se viuen moltes sitoacions de risc, moments pro complicadi, més tanben que vedem imatges que molta gent non podra veir jamés. Totes aqueres imatges, dificiles de rebrembar pendent eth pas des ans, les podem arremasar per miei des fotografies o des videos, e aguest ei un bon exemple de tot aqueró que realitzen es pompièrs. Recuelh de videos e fotografies espectaculars, en mode presentacion de tot aqueró que hém. Era lista ei longa e espectacular ath madeish temps. Superant-se cada dia mes, e un bon trebalh der EEI de Bombers Generalitat. Felicitats.