Pompièrs de Les

Pompièrs de Les

jueves, 19 de septiembre de 2013

Huec urban en Bagergue. Naut Aran.

Auem passat un ostiu pro tranquil dempús des inondacions. Ostiu de calma ralatiua ja que auem anat hent tot tipe d´actuacions, mes non coma d´autes ans.
Agèr, semble ester que començan a dar era benvenguda ar heired, auerem un servei,  que per sort non anec a més, més que mos her a veir que non dispausam des veicles, o mieis adecuadi entara nósta actoacion diaria. Ac digui, perque encara hem en un dia aon non auem agut nheuades, ne d´auti contratempsi, més que vedent que auem ua bona flota de veicles, camions toti eri, mos cau er veir que auem de besonh beth veicle leuger, damb ua bomba de nauta e baisha, e que mos permetisque accedir a d´aqueri nuclis de pobles damb carrers molt estreti e que encara poden dificultar més era nósta arribada.
Eth servei, en avís ja ei impornt, ja que se mos comuniquec qu´auem eth teth cremant. Actuen 4 veicles deth Parc de Vielha, BRP, BNP, AEA e UPC, més en nóste BRP e un que ven en ajuda deth Parc de Pont de Suert. Ena arribada des prumeri vehicles, resulte complicat trovar eth milhor emplaçament, ja que es veicles non arriben ath pe dera casa, e cau anar, o ben per eth miei deth poble, quedant molt luenh dera viuenda, o ben per ua entrada secondaria ath póble, més que sonque permetís era entrada marcha endarrèr des veicles pessadi. S´inicie er atac, ath laguens dera viuenda, coma tostemp hem, a no ester qu´eth huec sigue molt auançat, o era estructura de husta abituau, a punt colapsar. Tanben acabam trebalhant damb linies de baisha, ta poder baisahar era cantitat de huec.
Er edifici, ei compaussat de tres viuendes, dus triplex damb humarau dubèrt, e un dúplex sense accés ath losat. Es losats des dus triplex, non son continhus, causa que ajude a parar er auanç deth huec, tot e que sonque ia quate dits de diferencia d´auçada, damb era quau causa, mos e a ester atents, enta que non passe ar aute lossat.
Era afecctacion deth lossat d´un des triplex, ei deth 100%, en dues dues des plantes. Eth servei, s´iniciec cap as 12:30 ores deth sér, e ath torn des 4:30 dera maitiada, se da per controlat, tot e que encara queden punt caudi que mos calera botjar pendent eth pas des ores.