Pompièrs de Les

Pompièrs de Les

sábado, 23 de noviembre de 2013

Continhuam damb problemes des nheuades...

... e er iuérn non semble milhorar.

Dijaus ath sèr, aurem diuèrsi serveis ath long dera N-230, en es poblacions de Les, Pontaut e Bossost, atau coma én interior dera nosta población.

Ath torn des 22:30, siguerem alertadi enta ajudar ara empresa que amie eth manteniment dera via, enta era retirada d´arbes queigudi ath miei dera madeisha e que talhauen era circolacion. Ena nosta arribada, sonque i auie presencia de Mossos d´Escuadra que mos ajuderen ena regolacion deth tránsit e retirada de branques.
I desplacerem un BRP damb 5 pompièrs. Era via ere en força mau estat pera presencia dera nheu, e es arbes queigueren peth pes dera madeisha. Continhuan pera N-230 dirección França, retirerem ua detzea d´arbes, enquia contactar damb personau de manteniment francés, que tanben eren trebalhant en madeish acometut.

                       
 
Ath madeish moment, tanben ena N-230, siguerem alertadi dera queiguda d´un cable atm miei, que tanben talhaue era circolacion. Enta d´aguest servei, se i desplaceq un BUL damb 4 pompièrs, que damb era ajuda d´ua escala, lheueren de nau eth cable de lum e asegureren ara pilona d´aon auie queigut.

En acabar damb aguest servei, reviserem tanben era queiguda de d´auti cables de lum, aguesti en interior dera población, aon i trebalheren dus veicles, eth BUL e un UPC damb 7 pompièrs.

Finauments, tot eth personau e veicles acabec trebalhant ena N-230 pera queiguda de mes arbes ath miei dera via en continuar era nheuada.



lunes, 18 de noviembre de 2013

Serveis des darrèri dies

Pendent aguesti dies, damb es prumères nheuades dejà ena porta, auem realitzat diuerses gesudes.

Eth passat dia 11, actoerem damb eth BRP, conjuntament damb ua dotación deth parc de Bossost e era AEA deth parc de Vielha, en un huec de tumenèja en madeish poble de Bossost. Eth servei non pasec a més, ja que ena arribada, semblaue dejà amortat, e sonque se procedic ara sua revisión, tant per interior coma per exterior.

                                
 
 
 
 
 


Ena prumèra nheuada deth dia 18, prumèri problemes en es accèsi as pobles de Bausen e Canejan. Es arbes non han perdut era huelha, damb eth problema que tien força pes dera nheuada pro considerabla en certi punts dera val.
Atau, ua dotación se desplacec entar accés a Bausen, enta procedir ara retirada de diuérsi arbes queigudi, que talhauen er accés totauments.

 
 
Aué ena vesprada naua actoacion, enta un huec de tumenèja en poble de Les. Dues dotacions deth nóste parc, conjuntaments damb era AEA deth parc de Vielha, han trebalhat en escandiment dera tumenèja, damb nauta temperatura en interior, més que non a afectat ath losat ne a iuates espais dera viuenda.


 
 



lunes, 4 de noviembre de 2013

Made in Germany. Barreres de contencion.

Ei vertat que a nivéu de servicis d´emergéncia, es alemans, son d´aqueri que cau aguardar beth viatge.
Tot e que er idioma, non ei fácil, aguest ei un video d´un sistema nau de barreres de contencion, bastant senzilh de montar, e que pot servir tant enta contier aigua, coma pot ester de "dique de contencion", o tanben enta portar enmagatzemar d´auti productes.

Coma se pot veir, sonque cau es esturments e aigua.
Era traducción des frases deth video, l´ac deishi as que comprenen er idioma o volguen utilizar eth traductor.