Pompièrs de Les

Pompièrs de Les

lunes, 27 de enero de 2014

Cap de semana intens ena Val d´Aran.

Es prediccions meteorologiques se compliren. Eth diuendres, damb era entrada d´un front que portec força aigua, rebremberem es inondacions deth pasat Junh.
Sus uns 100 l/m2 mesuradi en Sant Joan de Toran, non han estat pro boni entara Val, que torne a acomolar espesors de nheu alarmants en cotes nautes.
Entás 9 ores dera vesprada, se mos avisec enta revisar força barrancs que baishauen força plei, e que damb eth pas des ores aneren portant mes e mes problemes.
Ena N-230, ara auçada dera cantera de Les se vedec caperada per peires e terra, ademés d´aigua, tot e que se podec restablir rapidaments un carril damb ajuda de Valoriza e Mossos d´Escuadra. En aquet madeish moment, en Baqueira, se produsic un lauet damb afectación de viuendes, tot e que rapidaments ena arribada des prumèrs pompièrs, se traperen es afectadi e se poderen treir der interior sense auér victimes.
Segontes anaue auançant eth sér, diuèrses viuendes de Les, tanben patiren inondacions en es baishi, atau coma tanben eth talher mecanic deth poble.
Ath torn des 2 ores deth sér, auerem de talhar era circolacion ena N-230 totauments, ja que s´acomolec força aigua en uns 200 m. d´aguesta, aon beth coche i quedec aturat. Ja pasades es 3 deth sér, Valoriza iniciec trebalhs damb ua machina enta poder evacoar er aigua, aumens en un des carrils.
Entás 6 deth maitin, Pompièrs de Les torneren ath parc enta sajar de normalitzar materiau e demorar a poder hér ua evaloacion damb personau der ajuntament. Pendent eth sér tanben s´actoec ena carretera de Canejan, que quedec talhada força ores per diuèrsi despreniments molt importants. Bona part d´aguesti problemes han vengut dadi per obres sense finalitzar des inondacions de Junh, o per obres aon non s´a pensat ben en es efectes secondaris en adecoar es lateraus dera carretera.
En Bossost, pompièrs tanben i trebalhec en inondacions de baishi e carrèrs plei de peires e terra.

Rebrembam, que encara queden força trebalhs per finalitzar deth pasat Junh, sustot en dragatge der arriu, aon aguest a pujat eth nivéu ben ben un metre de sediments acomoladi, atau coma toti es elements que non s´an retirat, e arbes, que mos poden continuar portant espants.







miércoles, 15 de enero de 2014

Cors de seguretat en terren de lauegi.

Pendent aguesti tres diez en darrèr, auem amiat a terme un cors de seguretat en terren de lauets, impartit per tecnics deth Centre de Lauegi d´Aran. Aguest cors a estat dirigit a membres deth GRAE de Pompièrs d´Aran, e Guardes de Miei Ambient d´Aran.
Eth cors, a estat repartit en dues clases teoriques e dues de practiques en terren. Eth deluns inicierem era vesprada damb era pruméra teorica, dimarts, mos desplacerem entar eth Plan de Beret, ta dirigimos entara Cabana de Gessa, e aquiu, realizar sistemes de palegi, cerca damb DVA, de diuèrsi models, e d´autes. Pera vesprada, segona teorica enta premanir era gessuda d´aué dimèrcles, que per problemas meteorologics, non s´a podut desvolopar coma se volie en prumé  istant més que a estat molt satisfactoria. Cau dider que agè  queigueren uns 20 cms. de nheu naua, a aquero a complicat es condicions d´aué. Ara fin, molt polida gessuda entara Cabana de marimanha, aon pet camin damb esquís de trauessa, auem anat realitzan diuèrsi test dera nheu, enta coneisher er estat dera nheu, e auem aprés a evaloar er estat des montanhes, enta poder mercar un itinerari lo més segur posible.

Bones jornades, aconselhables enta toti aqueri que volguen disfrutar dera montanha, damb segoretat.
Grana aportacion des membres deth Centre de Lauegi d´Aran, gracies a Montse e Jordi.





 
logo           http://lauegi.conselharan.org/

lunes, 13 de enero de 2014

Huec forestau en Vilac.

Aguesti jamés falhen.
Ei era sason, des huecs forestaus en Aran, e es calculs son matematics, ei un dider, més quan er heired e era retirada dera nheu meten a disposicion es peishius, ja ac sabem.
Agèr, ath torn des 14:30, mos auem desplacerem entara solana de Vilac, que comence a ester deth tot disponible, sort des temperaturas deth ser, enta que es huecs evolucionen pro ben, ben enta cremar.

Dus BRP e dus UPC, des parcs de Vielha e Les, trebalerem en escandir aproximadament ua hectárea, a manca de recompde aué per Agents Forestaus deth conselh.
Eth terren ei força pendent, damb era ja coneishuda dificultad d´evolucion de linies d´aigua, aon eth dessús i metem era totau manca de limpiessa des nósti bosqui, coma en reste der estat. Aço mos ara a meter cada dia més en sitoacions difíciles, aon ena Val d´Aran non i hem acostumadi, més que mos i va a caler pensar perque se non seram en sitoacion de risc entas veicles e eth propi personau.

Agrair era bona colaboración des Agents Forestaus deth Conselh Generau, e tanben des Mossos d´Escuadra que mos ajuderen.

 

jueves, 9 de enero de 2014

Resum de servicis deth Parc de Les

Pendent er an 2013, eth Parc de Pompièrs Les, a estat present en un totau de 124 servicis, entre es quaus destaquen, per dessus de tot era labor sanitaria, damb un 40% des actoacions.

A estat un an pro tranquil en ço que a accidents de transit parlam, sonque damb 11 actoacions ath respecte. Es huecs forestaus, sonque damb 4 actoacions de poca relevancia, tanben an redusit eth son numero ja que er iuern e era primauera an registrat valors istòrics, tant de nheu coma d´aigua.
Era nheu, a hét que pujen es asistencies tecniques urgents, e es eliminacions de nids de vespes e abelhes, han dat un resultat de 30 actoacions. Cau díder, qu ena Val d´Aran ja é uns ans que registram cada an diuèrsi nids de frelon, sustot europeus.
Actoacions deth personau GRAE, compden un totau de 11.

En ço a que son practiques e d´auti ahèrs deth parc, acabam damb 22, aon tanben i compdam practiques GRAE.

Auem baishat eth numero de servicis ath mes respecte ar an passat. Se en 2012 auiem ua mieja de 15 servicis ath mes, en 2013, auem passat a ben ben 12 servicis.

Tot e aquero, non vo dider que agen estat mens importants, ja que auem baishat en asistencies sanitaries, e auem pujat en d´auti tipes de servicis.

Ara a seguir mantenguent era linha, e sajant de conservar çó que auem, que enta un poble dera Val d´Aran, ei un luxe, e entara gent que forme part dera asociación e deth parc ua grana responsabilitat.

domingo, 5 de enero de 2014

Calendari Pompièrs d´Aran 2014

 
Dempús der impás der an pasat, aguest mos a servit enta renovar era nósta imatge en forma de calendari.

Portauem molti ans, aon es establiments de tot tipe, ja formauen part deth nóste calendari, més auiem derivat en molti anoncis, e pogui pompièrs. Ara fin, eth calendari ei un calendari de pompièrs.

Dempús de pensar e probar pendent tot er an, a inicis deth 2013 se decidic entre toti que tirariem endauant un calendari de pompièrs sense anoncis, aon poder mostrar ço que hem a toti aqueri que l´agen. Tot e que a costat lo son, beth mauentés includit, des de e dues semanes, l´auem disponible.
Le podetz trapar en es parcs dera Val d´Aran, o en beth establiment tanben. Non a pretz mes sabem que era gent que l´arremase, colabore damb nosati e mos ajude.

Avaloracion deth 2013.

Aguest 2013 que ja a acabat, ara fin, a estat un an de metuda a prova des Pompièrs dera Val d´Aran.

Er iuèrn, damb ua cantitat de nheu increíble, dilhéu jamés vista, aumens jamés escrit, damb ben ben 14 metres de nheu acomolada, dec més de un espant, e beth un de molt seriós. Molti lauets, gran part sense victimes personaus, més beth un damb herits, héc a trebalhar més de lo habituau ath GRAE dera val. Ben coneshut per toti, que aguesta cantitat de nheu mós ac héc a pagar en mes de Junh, aon damb es inondacions, tanben istòriques que patirem, tornerem a demostrar, que es pompièrs, son aquiu. En aguest cas, era nósta intervención non siguéc directa, perque ath pas dera aigua, non i podem hér arren. Més, evacoerem edificis, gent, coches embaussadi, restablirem serveis e ajuderem en tot ço que poderem as d´auti estaments que particeperen. Aquero si, pensi que en molti pobles dera Val d´Aran, entre toti es vesins mos derem ua leçon de solidaritat que en molt de temps rebrembaram.

Més cau dider, e ei ben sabut, que era vida d´un parc de pompièrs, non s´acabe sonque en dus serveis ar an, se non ja sabem quin serie eth son finau.

Ath long der an, en tota era val, s´an dat iauti serveis de relevancia, aon es pompièrs i an anat e an aufrit çó milhor d´eri madeishi. Et campanau dera glèisa de Vielha, en plen dia gran dera hèsta major, molti accidents de tránsit, recerques de persones en montanha de longa doracion, ua grana cantitat d´assisténcies tecniques e eth gran volum de actoacions de transport sanitari mos hen a botjar enta naut e baish a totes ores.

A tot aço, i cau aiger que patim ua sitoacion complicada (aquero diden es politics, tot e que enta iautes causes sobren es sòs), que non mós deishe tirar endauant e evolocionar en toti es aspectes, més ben tiram endarrer beri ans. Tot aço, ei posible que non ac vedesquem damb efecte inmediat, més portam molti ans, sustot ena Val d´Aran, aon non s´a efectuat eth relhéu generacional deth personau que conformen es plantilhes de pompièrs, pera suposada manca de córsi basics de pompièrs, tot e que e dus ans auerem naues incorporacions (més en portauem detz ans demorant perque segontes es entesi, non sen hegen ena resta de catalonha), ara que es proxims ans, damb era negatiua deth moment dera Generealitat a naues incorporacions, tant de foncionaris coma de volontaris, arribesquem a un punt aon i erem e 25 ans.
Ena Val d´Aran, manque organitzacion, coma posiblements ena resta de Catalonha, e era organitzacion non me referisqui a més carrecs, se non a formación deth propi personau e eth nomenament de caporaus e sargents.
Se es pompièrs coneishen era sua estructura, saben ben ço que han de hèr, més se era estructura non ei ben definida, eth mau servei ei ben asegurat.

Voleria demanar a d´aqueri que mos han de d´aurir eth camin, que i meten ilosion e ganes, e que mos esquen mes fácil era labor a d´aqueri que ja la auem.


Molta sort a toti es pompièrs, en es acometuts que vos auesquetz mercat en aguest 2014!