Pompièrs de Les

Pompièrs de Les

miércoles, 19 de marzo de 2014

Huecs forestaus.

Portam diuèrsi diez entenent a parlar des huecs forestaus, deth huec en Girona que ja a cremat ues 350 ha. a d´aguestes auçades dera temporada.
Nosati, ena Val d´Aran, tot e que ja ei tard e eth terren comence a verdejar pera humitat, tanben auem agut diuèrses actoacions enta d´aguest cometut.

Delager, ath torn des 18:30 dera vesprada, s´iniciec un huec provocat ena Rauèra de Les. Ar inici se vederen tres punts d´ignicion, proxims ara pista forestau e que en poc temps ja en formauen un de solet. En avís, i desplacerem dues dotacions deth parc de Les, BRP e UPC e nau pompièrs. Pera ora que ja ere, non se podec escandir totauments, més se realitzeren trebalhs damb esturments manuaus en flanc esquerre, ta esvitar que non se daurise més e auese més potenciau. Eth flanc dret e eth cap, se dirigien enta ua zona ombria, e de peires, e era cua entara pista, tot e que en baixa alineacion.
Cap ath torn 22:30, se decidís que eth flanc esquerre ei pro segur, e se reagrupe eth personau ta iniciar eth descens, ja que era zona que encara creme, non ei de bon trebalhar peth terren e pendent qu´ei.
A londeman a prumèra ora, se realitze ua visita deth perimetre, aon i quede bera soca en terren ja cremat, e conjuntament damb Guardes de Miei Ambient deth Conselh, se decidís que non se i actoara més. Ath metdia, un foco nau apareish en flanc dret, e vist qu´era sua evolución será enta espai sense risc e zona cremada, se deishe evolucionar liurement.
Er accés pera pista entath BRP, non ei deth tot bon, ja que damb es darreres plujes de ja e un mes, era pista a cedit en beth punt, e tanben era quieguda d´arbes dificulten eth pas.
Eth totau de hectarees cremades en aguest huec, a recompde d´Agents forestaus, ei de 17 ha.



 

                                             
Agér, ath metdia, CTA SUD, solicite a Pompièrs d´Aran colaboracion enta actoar en ajuda a huec forestau, en poble d´Argut dessús, proxim ara frontera.
Soliciten dus BRP e personau. Ena gessuda, dues dotacions deth Parc de Les, BRP e UPC, e ua deth Parc de Bossost, BRP, gessen direccion Saint Beat, enta contactar damb es comandaments francesi.
Ena arribada en Saint Beat, eth nóste comandament, juntament damb comandament de Sapeurs Pompièrs, realitzen ua visita damb un veicle leuger, ja que es accési enta veicles pessats, serán complicadi. Ara tornada, se decidís non actoar damb veicles pesadi ja que non ei posble peth espai en es pistes e apropase pro enquia eth huec. Actoaran eri damb veicles més leugers, en aguest cas Mercedes Unimog U20 damb 2000l. d´aigua, ja que en i a dus desplaçadi, son mes maniobrables e damb mens pes. En loc
i a un veicle VPCGC, un CCF, dus CCFL e veicles leugers de St. Beat, Luishon e St. Gaudens.
 
 







 
 



martes, 11 de marzo de 2014

Huec urban en Es Bòrdes

Dimenge, ath torn des 16:30 dera vesprada, siguerem alertadi enta colaborar en escandiment deth huec en un abitatge unifamiliar, ena termièra de Es bòrdes.
Eth prumér avís, ja alertaue de huec en un estat molt desvolopat, ja que gesien força lames per es hiestres. En son interior cap ocupant. Ena pruméra gesuusda s´activeren 3 BRP, 1 AEA e dempús més tard 1 BNP. Era sitoacion der abitatge, hege imposible er emplaçament dera autoescala, ja que ei un carrér molt estret, damb eth problema d´auer de forçar portes de cases habitades enta poder accedir ara part nauta damb aigua. Ena arribada  des pruméri veicles, es lames ja gesien ath cap deth losat, e cremauen completaments dues des tres plantes que la compausauen.
S´iniciec er atac desde er exterior, damb intencion d´aturar era continuitat a d´autes cases. Ena nósta arribada inicierem er atac en interior, ja que ei molt difícil escandir un huec desde er exterior, damb eth risc que aço mos comporte de poder patir un enfonsament de forjats. En aguest cas, non se podec progresar enquia era planta humerau, ja que era escala non i era ja que auie cremat, e era estructura de forjats ere de husta molt afectada per es lames. As pogui menuts de trebalh, se vedec que ere pro efectiu damb ço que s´estaue hent, ja que eth losat que comunicaue en sentit SUD, ere mes baish e aquero mos limitaue era capacitat de progresión deth huec. En sentit NORD, mos ajudec força, que tot e ester ena madeisha auçada, i existie eth mur separador, en forma d´escala que es nósti vielhs i metien enta limitar es efectes deth huec, atau coma ta poder accedir ara tumenéja.
En ua ora e miéja eth huec era controlat, e en procés d´escandiment totau.




viernes, 7 de marzo de 2014

Autrejament des medalhes de Bombers de la Generalitat.

Aué, a estat er acte d´autrejament des medalhes as membres deth Cos de Bombers de la Generalitat de Catalunya.
Nosati, es que en formam part d´aguest cos, de forma actiu, o non, hem orgolhòsi de formar part deth madeish. Aué, ath metdia, coma cada an en lóc de Catalonha aon pertoque, s´an hét es actes, aon i auie ua exposición de fotografíes, o tanben un concors de diboish infantiu, a més der autrejament des pertinentes medalhes.
Més aguest an, ei un an força important, perque per prumèr cop ena istoria deth nóste parc, tres membres reben era medalha d´or, en aguest cas per 35 ans formant part dera escala actiua deth cos.


Moltes felicitats a MANUEL, PEDRO E TONI, e demoresquem que siguen molti ans més e que toti poguesquem gaudir d´aguésti moments.