Pompièrs de Les

Pompièrs de Les

miércoles, 18 de junio de 2014

Un an dempús.

Aué, ja é un an que passerem uns des dies més complicadi dera istòria dera Val d´Aran.
Pendent un an, s´an amiat a cap moltes obres, mielhores e d´auti, més non totes, e aquero mos compòrte un risc que dilhèu abantes non auiem.
En tot veir era evolocion de toi es moviments realisadi, tant en arriu coma en en es comunicacions, ei pro evident que tot çò que s´a hèt, non ei pro, e tanpoc que es obres hètes, ajuden a disminuir eth risc.
Era realitat de tot, ei que coma non se produsiren victimes derivades des aiguats, es que han d´invertir enta apraiar tot, van ath son ritme, e aguest ei molt lent, e insuficient.

Parlant de Les, s´an hèt obres, més non s´a avalorat eth risc entara poblacion. Abantes, ena entrada deth poble pera carretera N-230, auiem un terraplen de terra, que eth dia dera riada, er aigua se mingéc, se hèc er arriu ample, e mos sauvec de ua avenguda molt més importanta ath laguens deth poble, aon dejà i paseren un s 50 cms. d´aigua pes carrers. Auè, i auem un mur de contencion de peira, de 90º, ei a dider, ua paret de bolos de cantera, apraiada damb hormigon de 300kg/m3, çò que signifique, que en ua propera riada, er arriu non se ara ample, se non que pujara de nivéu, damb es problemes que poden arribar en interior deth poble, ja que, ademés, es murs que han de protegir eth poble, non son encara apraiadi.
Ademés, seguim auen eth pas peatonau principau deth poble, enfonsat, e tanben un aute pont per aon non se i pot pasar, sonque caminant.

En ço que parlam dera Val d´Aran, en arriu, s´a anat mercant un aute viatge eth son cors, més en molti lòcs damb més de dus metres de sediments naui, e que non s´an retirat. Atau madeish, era major part des arbres e lòrdera acomoladi en molti endrets d´aguest, encara i son, causa que vo dider que se non se retiren, poirien arribar a hèr tap en beth pont, presa, eca.

Ara è uns dies, auem coneishut un informe de CHE, aon se ditz que un des grani problemes siguéc era non dubertura des comportes dera centrau d´Arties. Cau dider que dilhéu siguec un des problemes, més en cau detectar iautes, e que son posiblements pitjors, coma pot ester era acomoloacion damb eth pas deth temps de vegetacion, qu´a artenhut dimensions força importantes pera manca de gestion der espai fluviau. Atau madeish, eth lhet der arriu, a pujat pendent eth temps, e de tant en tant, cau rebaisharle treiguen eth sediment acomolat. Aciu i cau trebalhar toti, e non sonque dider que eth problema ei deth de costat.

En çò que parlam de pompièrs, non mos a servit de guaire auèr patit es inondacions. Sabem que et dia 18 de Junh de 2013, s´activeren un totau de 14 plans de Proteccion Civila, més non auem coneishut quini, a que afectauen, e pitjor encara, eth dia que s´activeren, non ac saberem. Aué, dempús deth temps, auese estat ben valorac, e saber enta que servien, o quina auese agut d´ester era nòsta foncion.
Nosati, non auem recuperat part deth nòste EPI personau, encara aué, auem diuèrsi pompièrs que demoren era tornada o reparacion dera roba de nauta visibilitat. D´auti l´auem, més sonque reparada de forma rápida e provisionau. Eth parc de Les, siguéc afectat de plen per aigua, damb més de 50 cm. ena porta, e aué tanpoc auem encara desaigues des vaters o dotches. A veir se de qui sigue eth problema, s´en rebrembe que encara èm atau. Tanpoc mos anpintat er exterior ne er interior, e sort que ere foncion des asegurances.

Tot e aço, seguiram demoran, e seguiram actoant ço de milhor que poguesquem.


Dia des inondacions e estat actoau deth parc de Les, dempùs deth canvi de portes, asomides peth Conselh Generau, e des losats e d´auti, costejadi pera madeisha ACR Pompièrs de Les.



 





viernes, 13 de junio de 2014

Darreres actoacions.

 
 
Pendent aguesta semana, auem estat força actius, sustot en formacion GRAE, ja que per un costat s´an hèt naui corsi de grua-rescatador d´elicopter, e per iaute , s´an hét reciclatges d´aqueri que ja auien eth cors.

Ben, eth deluns ath ser, inicierem era semana damb un accident de transit, en un robatori d´ua remolca de coche en Canejan, que acabec en persecocion entre es que la volien panar, e eth son propietari. Es prumers acaberen dehora dera carrertera, ena N-230, e sigueren detenguts pes Mossos d´Escuadra que tanben auien estat alertadi. Ara nosta arribada, totes dues persones que anauen en veicle, eren dehora e detengudes, e sonque se comprovec que eren totauments ileses. Atau madeish, realizerem era limpiessa dera via. Ath servei i desplacerem 4 dotacions, un UPC, BRP, e USVB deth parc de Les e USVA deth parc de Vielha.



 
En ço que parlam dera formacion GRAE, pendent 4 dies complerti, 6 naui membres des parcs dera val, dus de eri de Les, han realisat conjuntament damb pilots e operadors de MAER, formacion especifica enta poder operar damb elicopters dera Generalitat, equipats damb grua de rescat, enta amiar rescats en locs aon aguest non pogue aturar-se, ei a dider, locs de difícil accés.
Es 4 dies, han estat compausadi de clases teoriques, enta conéisher era metodologia d´actoacion damb aeronaus, e dera major part de practica, enta auer clar era forma d´accedir, operar damb grua e d´auti aspectes. Compdant que auem er ostiu ath deuant, benvengudi seran es naui membres.
Ath madeish temps, es que ja han era formacion, han aprofitat era estada der elicopter ena val, ta poder reciclar, ja que cada cert temps ac cau hèr ta poder ester abilitat en son usatge, e poder atau efectuar operacions damb aguesti.