Pompièrs de Les

Pompièrs de Les

lunes, 28 de julio de 2014

Darrèrs serveis

Er ostiu auance e non acabam de veir eth solei, més ja ei habituau ena Val d´Aran.
Atau tanben auance era activitat des Pompièrs d´Aran, que varie eth tipe d´actoacions, respecte ar iuèrn. Es asistencies sanitaries, non baishen, senon que en es messi de Juriòl e Agost, repunten. Pujen es rescats en montanha, ja que tanben era gent que ven entara Val, cada viatge ei més de gésser entara montanha. Es accidents de tránsit, se mantien, tot e que eth tránsit habituau, sustot de pas entara costa, semble que a baishat, més a creishut eth pas de camions pessadi degut as barraments d´accesi per Aragón, per diuèrsi motius.
Huecs forestaus, non ei cap era nósta sason, més tot pot ester, sustot de beth lamp en nauta montanha. Més mos calera demorar més enta deuant, tardor o iuèrn enta veir era evolocion d´aguesti, ja que coma eth reste der estat, era politica forestau non existís, e auem un cresihement molt desproporcionat de massa forestau acomolada. A veir coma mos va en es properi ans.

Nósati, tot e auer un descens força significatiu de serveis a d´aguestes auçades, aciu seguiram. Vos deisham imatges des darreres actoacions.
 

















Eth pas deth Tour de França pera Val d´Aran, mós obliguéc a desplaçar toti es veicles e detz pompièrs enta Pont de Rei, ena frontera damb França enta poder garantir servei de tot tipe tant ena ribera deth Toran, coma en es quilometres enquia eth parc de pompièrs de Bossost. Tot e atau, non auerem cap incidencia.
 


miércoles, 9 de julio de 2014

Nau materiau. HI LIFT First responder.

Pendent aguesti diez, auem recebut nau materiau adquirit pera ACR Pompièrs Les. En aguest cas se tracte de dus Hi Lift, model first responder(Aguest ei materiau que equips participants en campionat deth mon de sauvament en accidents de transit, ja han provat, e que beth un dispause d´eri en son parc).
Dempús d´avalorar era sua crompa, s´a decidit tirar endauant degut ara manca de materiau tipe coixin pneumatics, ja que damb aguesti se poden hèr certes maniobres que enquia ara erem molt limitadi.
Aufrisen moltes posibilitats, coma pot ester era lheuada rapida d´un veicle, tot e que son limitadi de pes, enquia 2113 Kg, tanben era foncion de traccion, de volant o d´auti, o foncion de tractel, tot e que damb recorregut limitat.
Dempús d´auerle provat, es sues aplicacions son moltes, tot e que beres ues son pro dificiles, més mos amplíen posibilitats de trebalh, coma pot ester tanben eth portales enquia lócs de dificil accés.




martes, 1 de julio de 2014

EL GRAN SILENCI

http://blogs.tv3.cat/senseficcio.php?itemid=54002&catid=1270

Aué tás 21:55 s'emitís un documentau sus es hets que se deren en 2009 en Horta de Sant Joan, pro coneishudi per toti es que hem en Bombers de la Generalitat. 
Força interesant de veir, ta comprener ço que es pompièrs hem, et perque e coma, e non sonque veir ço que a beri uns les interese.
Reconeisher eth gran esforç emocionau des que i parlaran, sustot de Josep Pallás. Gran labor de toti eri.