Pompièrs de Les

Pompièrs de Les

sábado, 30 de agosto de 2014

Servei important des darrèri dies

Eth dijaus pasat, ath torn des 18:30 dera vesprada, siguerem alertadi d´un accident laborau ena cantera de Les, aon semblaue ester que un camion, sense conéisher eth tipe de veicle, auie patit ua volcada e eth son conductor ere herit, més non atrapat.
Era gesuda des prumeres dotacions s´efectuec desde Les, damb BUL e UPC, e Vielha, damb era USVA, ara demora dera evolucion e eth tipe d´accident.
Ara arribada, eth conductor ere en interior deth camion, qu´ere deth tipe "Lagarto", damb un atrapament fisic niveu 1, e presentaue lesions greus. Eth veicle auie patit ua volcada dera sua remolca, més damb era sort de qu´era cabina tenguec en son estat iniciau.
En ua prumera avaloracion, eth veicle semblaue pro estable, atau madeish, non compdam damb materiau enta poder estabilisar aguest tipe de veicles, ja que poden arribar a pesar entre 25 e 50 t., damb ço que se decidic, situar ua machina peth dejós, per precaucion, tot e que non s´auec de besonh. Se coloquec extintor prop deth motor, ta evitar quinsevolh incident e se limiteren es escapaments des liquids.
Pendent aguest temps, tanben se trebalhaue ena asistencia ath conductor, en tot colocar colier cervicau e inmovilitsador espinau, ta poder hér eth son rescat dera cabina. Finauments, e ues 20 menutes dempús, damb colaboracion de Mossos d´Escuadra e personau propi dera explotación de peira, se podec hér era sua evacoacion enquia era USVA, aon se estabilisec enta traslhat posterior ar espitau dera Val d´Aran.




lunes, 25 de agosto de 2014

En record des membres deth GREIM.

Toti sabem a que jogam cuan gessem enta un rescat, un accident, un huec, més non coneishem pas era nósta reaccion en cas de patir un accident coma eth d´agèr patiren companhs.
I pasam moltes ores, es ues en un camion, es autes en ua ambulancia, e tanben ath laguens der elicopter, enta portar ço de milhor a qui de vertat le cau.
A viatges, en molti d´eri, pasam des limits sense auer vist que non ac poiriem hér, més mos en gessem pro ben, tot e que en ocasions, auem dolenti resultats.
Agèr queiguec un elicopter dera Guardia Civil, més tot e non ester deth madeish cos, es que mos i dedicam a tot aço, ei coma se auesem patit un accident nosati madeishi.


Desde Pompièrs de Les, e tanben Pompièrs d´Aran, en record de tres persones membres deth GREIM, que agér deren era sua vida, per eth ben de iautes.
Força as familhes e companhs.


domingo, 17 de agosto de 2014

Accidents de transit e més.

En aguesti darreri deies, auem actoat en diuèrsi serveis, ja que semble que er Agost s´a notat e era gent s´a deishat veir pera Val d´Aran. Força transit en es carreteres, que enquia ara non s´auie notat, an hét que auesquem d´intervier en dus accidents de transit, er un damb un herit lheu, e er aute damb dus atrapats, més herits lheus tanben.

Eth dijaus ath torn des 11 ores, un coche solet, s´emportaue per deuant ua farola ena N-230, en ben miei deth poble de Les. Er herit gesséc per es sons mieis, més se li héc ua avaloracion e eth madeish decidic que volie era nauta volontaria en lóc. Ath servei se i desplaceren eth BUL e era USVB deth parc de Les, a més d´auer de solicitar era AEA enta poder talhar era farola ena part nauta, ja que aguesta penjaue damb perilh de queir. Mossos d´escuadra e carreteres, tanben y sigueren presents.




Eth diuendres, iaute accident de transit ena N-230,ena termiera de Bausen, aguest damb dus atrapats més herits lheus. Dempús d´estabilisar eth veicle, se decidic treiguerles pera part deth darrer deth veicle. Toti dus sigueren trasladadi enta er Espitau dera Val d´Aran.
En accident y actoeren, BUL e USVB deth parc de Les, USVA deth parc de Vielha a més de Mossos d´escuadra e carreteres.







 




Tanben s´a acoat en diuèrsi serveis sanitaris, e eliminacion d´insectes, vespes en aguest cas.