Pompièrs de Les

Pompièrs de Les

martes, 30 de diciembre de 2014

Actoacions enta acabar er an.

Pendent aguesti darrers dies der an, tot ço que a estat tranquil e calmat, semble ester que ja non ei atau. Era gran afluencia de turisme ara val, que benvengut ei, tanben mos hèr anar d´un costat ar aute.

Disabte, trebalherem dues dotacions més ua deth GRAE ena evacoacion d´ua persona des d´ua viuenda sitoada en camin cap ath Tuc de Canejan, per un camin estret e en condicions complicades peth mau temps. Era persona siguéc traladada damb camilla piguelhem per un totau de 6 pompièrs, pendent ben ben ua ora, enquia poder plaçala ena USVB e amiala entar espitau.

Tanben disabte, auerem un servei de huec important, en plen centre de Vielha.
Er avís, semblaue ester coma quinsevolh iaute de huec de tumeneja, mes ena arribada, eth huec ja ei totauments desvolopat e a trincat dejá eth losat. Eth prumér veicle, inicie er atac damb ua linia de 25 en interior, ta sajar de talhar era progesion deth huec cap as auti apartaments. Er edifici ei compausat de parcatge e PB+2, aon es darreri toti son duplex. Er atac s´amie damb linia d´aigua e machina d´arresegar enta sajar de parar eth huec e que continhue cremant losats. Era estrategia ei bona, més açó compause er auer de trebalhar en molti lòcs ath madeish temps dera madeisha forma. Eth desvolopament deth huec ei força rapid, e damb nauta carga de huec, impossible d´aturar damb atac directe peth perilh que compòrte. Pendent ues tres ores, pompièrs des tres parcs dera val, damb 2 BRP, 1 BUP, 1 BNP, 1 AEA ua USVB e diuèrsi UPC trebalhen enta sajar d´escandir o auer controlhat eth huec. Ara estona recebem ajuda per part de pompièrs de Pont de Suert e Tremp, e ECO 0 de Lheida, e que tostemp son benvengudi d´aquiu aon siguen enta podemos ajudar.
Es danhs son importants, ja que era estructura det losat ei força cremada, mes pensi que s´a hét un trebalh força important per part de près de 40 pompièrs dera Val d´Aran e es que tanben han vengut en ajuda. Servei complicat pera grana carga de huec, era distribucion des apartaments, e er auer de trebalhar en dus blocs de pisi ath madeish temps non ei bric facila.

 
Eth resultat der huec ei cinc apartaments afectats practicaments ath 100%, e es auti afectadi per aigua der escandiment. Eth balanç ei important, més, se conseguic aturar era progresion deth huec cap as auti apartaments, aon auesem agut afectacions força més importantes.
 
Enta acabar, ager, auerem dus accidents de transit ath laguens deth madeish poble de Bossost.
En prumer, damb un herit lheu, siguéc en encastrar-se frontauments un veicle de nauta gama damb ua viuenda. Eth veicle resultec pro afectat, més er herit gesséc pes sons mieis. En aguest servici i trebalhéc eth nòste BUL, ath que se aueren de plaçar es chenes ta poder gesser dempús deth madeish carrér, e tanben ua USVA.
Eth segon servei, sense herits pero que poirie auer estat pitjor, siguéc d´un camion petit de repartiment de gas-oil, que perdec traccion en pujar un carrér, e se desplacec endarrer enquia tustarrar damb ua farola e un pilar d´ormigon damb era intalacion de lum deth poble. Era colision damb aqueri elements, sauvec ath veicle de queir ena plaça damb un saut d´uns 3 metres d´auçada. En servei i trebalhéc tanben eth nòste BUL e era USVA.
 
 
 

sábado, 20 de diciembre de 2014

domingo, 14 de diciembre de 2014

Pau Costa Foundation

Aguesti dies, hent ua oelhada per diuerses pagines web, e estat vedent mes interiorments era web dera Pau Costa Foundation, que damb eth son nom ja e aunor a qui un dia deishec era sua vida per aguest tipe d´intervencions, que son es huecs forestaus.
Era pagina, ei molt ben estructurada, molt clara e facila de consultar. Aufrís moltes opcions, coma pot ester era convocatoria de corsi, online e presenciaus, atau coma tanben es ponencies amiades a terme per persones que se i dediquen a d´aguest mon, damb molti coneishements, e molt interesantes. Projectes a niveu mondiau, molta documentacion e tot aquero que se pogue veir en mon des huecs forestaus.

Auetz un accés directe ara asociacion en apartat de "Webs interesantes de pompièrs".

http://www.paucostafoundation.org/

Atau madeish, pendent aguesti dies, e vist en iaute lòc web, fotografíes de tot un seguit de grani huecs pasadi en Catalonha, aon se poden veir fotografíes e videos molt impresionants.
Vos deishi er enlaç, e un video.

 http://infocat.tumblr.com/


lunes, 8 de diciembre de 2014

Morralets rescat urban.

Dempús d´un temps, de auer-les vist en en Nantes, en Congrés de Sapeurs Pompièrs de France, aquero que ere un prototipe, mos esta aufrint boni resultats.
Entath GRAE, ja se cromperen dus, eth prumer enta poder sajar-le, e un de dussau vist que foncionen pro ben.
Nosati, ja coneishent-les, ara en dispausam de tres unitats, dues entath BRP, e ua entath BUL, e era vertat, ei que faciliten er orde, era limpiessa e sustot era ubicacion deth materiau, ja que son força practiques.
Son de materiau resistent, impermeable, damb decoracion reflectant. Se daureisen completaments, causa que facilite trapar ço que te cau en moment, sense auer de uedar tot eth morralet e deishar eth materiau en terra. Tanben ei mes facila de revisar ara ora de saber se i auem tot eth materiau. Son molt comodes de transportar e tanben se poden penjar de cordes o elicopters.
Vos deishi ues imatges.



jueves, 4 de diciembre de 2014

Santa Bárbara 2014




Aué, toti es Pompièrs dera Val d'Aran, acompanhadi de d'auti pompièrs dera Generalitat, der estat e de França, autant coma de cossi e forçes de seguretat, tanben der ambit sanitari e autoritats politiques, auem celebrat un aute an mes era hesta dera nosta patrona.
Santa Barbara 2014.
Que per molti ans mes poguesquem continhuar vedem-mos.

lunes, 1 de diciembre de 2014

Formacion en veiculs especiaus BNP, e grans cabaus d´aigua

Pendent aguesta darrera semana, auem estat tres dies, auem estat amiant a cap formación en veiculs especiaus, en aguest cas BNP(Bomba nodriza pesada), que ei er equivalent a un veicul de transport de grana cantitat d´aigua, e que disoause d´ua bomba damb mes capacitat que es veiculs mes petiti.
En aguest cas, nosati ena Val d´Aran, dispausam desde er an 1999 d´un d´aguesti veiculs, que utilizam tot soent mes que dilheu, a mes opcions des que enquia ara coneishiem.
Era vertat, ei que eth son ussatge, peth tipe de serveis que auem, ei mes limitat, mes mos cau conéisher que ei un veicul d´escandiment damb grani cabaus d´aigua, tot e que per sort, non en auem guaires d´aguest tipe.
Ena val, dempús des ans, auem conseguit auér ua metodología de trebalh sustot damb mangueres de 25, que mos permeten molta mes agilitat ara hora d´escandir o d´auti ahérs. Nosati, hem de trebalhar en interior, tot coneishent eth risc que aço comporte, damb eth perilh d´enfonsament de losats o d´autis, mes pensam que peth tipe de contruccion  e eth materiau que dispausam, ei ua opcion molt acertada.
Ben tornant ath cors, mos cau agrair força era predisposicion que han damb nosati es formadors, de quinsevolh cors dera escola, que s´adapten pro as nostes necesitats. Atau cau dider, que auem participat uns 20 pompièrs dera Val, damb dus BNP e un BRP, auem agut a disposicion nosta, diuèrsi monitors fixes, generadors de nauta expansion d´espuma e d´autes.
Força interesant eth cors, tot demorant que en i age d´auti, tant ena val coma dehòra.